আমি জনস্বাৰ্থৰ সৈতে মিল থকা সাময়িক, মৌলিক ফেক্ট চেক প্ৰকাশ কৰোঁ আৰু ট্ৰেণ্ডিং হৈ থকা ভুল তথ্যৰ সত্যতা নিৰূপণ কৰোঁ।
তথ্য বিশ্লেষণ আৰু সম্পাদকীয় বিচাৰৰ সহায়ত আমাৰ ফেক্ট চেকাৰসকলে ক্ষতিসাধনৰ বিশেষ সম্ভাৱনা থকা দাবীসমূহ অগ্ৰাধিকাৰভিত্তিত চিনাক্ত কৰে। আমাৰ অভিজ্ঞ সম্পাদকীয় দল আৰু দক্ষ ফেক্ট চেকাৰসকলে একোটা দাবীৰ বিস্তাৰ আৰু ইয়াৰ প্ৰচাৰৰ প্ৰভাৱৰ মূল্যায়ন কৰে।
লজিকেলী ফেক্টছে এনে দাবীৰ তদন্ত কৰিব যি তলত উল্লেখ কৰা চৰ্তসমূহ পূৰণ কৰে:
- ই হৈছে ৰাজহুৱা বা ৰাজহুৱাভাৱে সুলভ অনলাইন প্লেটফৰ্মত দিয়া বক্তব্য।
- ইয়াক যুক্তিসংগত বা কেৱল সঁচা অথবা মিছা বুলি সঠিকভাৱে মূল্যায়ন কৰিব পাৰি।
- ইয়াক ৰাজহুৱাভাৱে উপলব্ধ সাধাৰণতে প্ৰচলিত যুক্তিসংগতাৰ মানদণ্ডৰ ভিত্তিত মূল্যায়ন কৰিব পাৰি।
- লজিকেলী ফেক্টছে কেৱল দাবী বা দাবী হিচাপে ব্যাখ্যা কৰিব পৰা বাক্য়ৰহে তথ্য় পৰীক্ষা কৰিব পাৰে। দাবী হৈছে এনে এটা বক্তব্য যিটোৰ দ্বাৰা কাৰোবাক কিবা এটা কথা সঁচা বুলি পতিয়ন নিওৱাৰ চেষ্টা কৰা হয়।
মূল দাবী কোনে কৰিছিল বা ৰাজনৈতিক ক্ষেত্ৰখনৰ ই কোনটো পক্ষত পৰে সেইয়া বিবেচনা নকৰি আমাৰ দলটোৱে সকলো সম্ভাৱ্য প্ৰমাণৰ মূল্যায়ন কৰোঁতে মানদণ্ডৰ একেই দৃঢ়তা ধৰি ৰখাৰ বাবে প্ৰতিশ্ৰুতিবদ্ধ। আমাৰ দলটোৱে সকলো ৰাজনৈতিক দল-মতাদৰ্শৰ সৈতে জড়িত দাবীসমূহৰ ফেক্ট-চেক কৰে, কিন্তু ইয়াৰ অৰ্থ এইটো নহয় যে প্ৰতিটো দলক লৈ কৰা ফেক্ট-চেক সংখ্যা সমান হ’ব।
কেতিয়াবা একোটা দাবী বৈধ হোৱাৰ পিছতো কোনো প্ৰমাণৰ দ্বাৰা আমি তাক নিষ্পত্তি কৰিব নোৱাৰো, যিটো না আমাৰ হাতত আছে, না ভৱিষ্যতেও আমি লাভ কৰিব পাৰোঁ। এইবোৰ সাধাৰণতে এনে দাবী হ’ব যিবোৰ সম্পূৰ্ণৰূপে ৰুচিৰ ওপৰত ভিত্তি কৰি গঢ় লৈ উঠে, কোনো প্ৰমাণে সত্যাপন কৰিব নোৱাৰা ঐতিহাসিক দাবী বা মৌলিকভাৱে নৈতিক বা ধৰ্মীয় প্ৰকৃতিৰ দাবী।
আমি এনে কোনো দাবীৰ সৈতে জড়িত নহ’ম য’ত আমি বিশ্বাস কৰোঁ যে তেনে কৰাটো দায়িত্বহীনতা হ’ব৷ ইয়াৰ কাৰণ হ'ব পাৰে যে উক্ত বিষয়টোত আমাৰ পৰ্যাপ্ত দক্ষতা নাই, অথবা দাবীটোক পৰ্যাপ্ত প্ৰসংগৰ সংগতি দিয়াৰ ক্ষমতা নাই, ফলত হয়তো আমি প্ৰদান কৰা সিদ্ধান্ত কোনোধৰণৰ কামত নাহিব। যিকোনো এটা ট্ৰলৰ ক্ষেত্ৰত আমি সেইটোৰ প্ৰত্যুত্তৰ দিবলগীয়াকৈ জড়িত নহওঁ। কোনো এটা দাবীক খণ্ডন কৰিব পৰাকৈ যদি সাংবাদিকতাৰ স্পষ্ট ভিত্তি নাথাকে, তেনেহলে আমি এইধৰণৰ ক্ষতিকাৰক কোনো ষড়যন্ত্ৰকে প্ৰাধান্য নিদিওঁ।
আমি ইউজাৰসকলক ফেক্ট-চেক কৰিবলগীয়া কিবা দাবী থাকিলে আমাৰ দলটোৰ সৈতে তাক শ্বেয়াৰ কৰিবলৈ আহ্বান জনাওঁ। আপোনালোকে এইখন ফৰ্মত আপোনালোকৰ অনুৰোধসমূহ প্ৰেৰণ কৰিব পাৰে, আৰু আমৰে দলে উক্ত দাবীসমূহে ওপৰত উল্লেখ কৰা ধৰণৰে ফেক্ট-চেকৰ যোগ্য হয় নে নহয় তাক বিচাৰ কৰিব। ইয়াৰ উপৰিও, আমি কেতিয়াবা আমাৰ ছ'চিয়েল মিডিয়া চেনেলৰ জৰিয়তেও টিপ-অফ আৰু ফেক্ট-চেকিঙৰ অনুৰোধ লাভ কৰোঁ।