ಇಲ್ಲ, ಬ್ರಿಟನ್ ಪ್ರಧಾನಿ ರಿಷಿ ಸುನಕ್ ವಿಶ್ವ ಆರ್ಥಿಕ ಸಂಸ್ಥೆಯ ಸದಸ್ಯರಲ್ಲ

ಮೂಲಕ:
ನವೆಂಬರ್ 28 2022

ಲೇಖನ ಹಂಚಿಕೊಳ್ಳಿ:

ಸಂದರ್ಭ

ರಿಷಿ ಸುನಾಕ್ ಅವರು ಬ್ರಿಟನ್ ದೇಶದ ಪ್ರಧಾನ ಮಂತ್ರಿಯಾಗಿ ಅಕ್ಟೋಬರ್ ೨೫ ೨೦೨೨ ರಂದು ಆಯ್ಕೆ ಆಗಿರುವರು. ಕನ್ಸರ್ವೇಟಿವ್ ಪಕ್ಷದ ಅಭ್ಯರ್ಥಿಯಾಗಿ ಚುನಾವಣೆಗೆ ನಿಂತ ಮೇಲೆ ಅವರು ವಿಶ್ವ ಆರ್ಥಿಕ ವೇದಿಕೆಯ ಜೊತೆ ಸಂಪರ್ಕ ಹೊಂದಿದ್ದಾರೆ ಎಂದು ಅನೇಕ ಊಹಾಪೋಹಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿವೆ.

ವಾಸ್ತವವಾಗಿ

ವಿಶ್ವ ಆರ್ಥಿಕ ವೇದಿಕೆ (ಡಬ್ಲ್ಯೂ. ಈ. ಎಫ್ – WEF ) ಎಂಬ ಸಂಸ್ಥೆಯ ರಚನೆ ಬಗ್ಗೆ ತಿಳಿದಾಗ ರಿಷಿ ಸುನಾಕ್ ಅವರು ಅದರ ಸದಸ್ಯ ಅಲ್ಲ ಎಂಬುದು ಸ್ಪಷ್ಟವಾಗುತ್ತದೆ. ಸಂಸ್ಥೆಯ ಸದಸ್ಯತ್ವವನ್ನು ಕೇವಲ ಕಂಪನಿಗಳಿಗೆ ಮಾತ್ರವೇ ಕೊಡಲಾಗುವುದು. ಅಲ್ಲಿ ನಡೆಯುವ ಕಾರ್ಯಕ್ರಮಗಳಿಗೆ ಹೂಡಿಕೆದಾರರು, ರಾಜಕಾರಣಿಗಳು, ಉದ್ಯಮಿಗಳು, ಅರ್ಥಶಾಸ್ತ್ರಜ್ಞರು ಮತ್ತು ಪ್ರಭಾವಿ ವ್ಯಕ್ತಿಗಳನ್ನು ಆಹ್ವಾನ ಮಾಡಲಾಗುತ್ತದೆ.

ಈ ಸಂಸ್ಥೆಯ ಬಗ್ಗೆ ಟೀಕೆಗಳು ನ್ಯಾಯಯುತ ನೆಲೆಯಲ್ಲಿ ಸರಿ ಎನಿಸಿದರೂ ಅದು ರಹಸ್ಯವಾಗಿ ಸಾಮಾಜಿಕ ದಂಗೆಯನ್ನು ಪ್ರಚೋದಿಸುತ್ತದೆ ಎಂಬ ಆರೋಪವು ಆಧಾರರಹಿತವಾಗಿದೆ. ಡಬ್ಲ್ಯೂ. ಈ. ಎಫ್ (WEF) ಸಂಸ್ಥೆಯು ಸರ್ಕಾರಗಳು ಮತ್ತು ಖಾಸಗಿ ಉದ್ಯಮಗಳ ನಡುವೆ ಸಹಕಾರವನ್ನು ಗಟ್ಟಿಗೊಳಿಸಲು ಪ್ರೋತ್ಸಾಹ ಮಾಡುತ್ತದೆ.

ಈ ಹಿಂದೆ ಬ್ರಿಟಿಷ್ ಸರ್ಕಾರದ ಮಂತ್ರಿಗಳು ಡಬ್ಲ್ಯೂ. ಈ. ಎಫ್ (WEF) ಶೃಂಗಸಭೆಯಲ್ಲಿ ಭಾಗವಹಿಸಿರುವುದು ಉಂಟು. ಆದರೆ ೨೦೧೯ ರಲ್ಲಿ ಮಾಜಿ ಪ್ರಧಾನಿಯಾದ ಬೋರಿಸ್ ಜಾನ್ಸನ್ ರವರು ಇದಕ್ಕೆ ಅನೌಪಚಾರಿಕವಾಗಿ ನಿಷೇಧ ಹೇರಿದ್ದರು. ತದನಂತರ ಯಾವುದೇ ಬ್ರಿಟಿಷ್ ಮಂತ್ರಿಯು ಸಭೆಯಲ್ಲಿ ಪಾಲ್ಗೊಂಡಿಲ್ಲ. ಈ ಬಗ್ಗೆ ಸರ್ಕಾರದ ಅಧಿಕಾರಿಯೊಬ್ಬರು ಹೇಳಿಕೆ ನೀಡಿ ತಮ್ಮ ಗಮನ ಜನರ ಹಿತ ಕಾಯುವುದು ಹೊರತು ಕೋಟ್ಯಧಿಪತಿಗಳೊಂದಿಗೆ ಶಾಂಪೇನ್ ಹಂಚಿಕೊಳ್ಳುವುದಲ್ಲ ಎಂದಿದ್ದರು.

ತೀರ್ಪು

ರಿಷಿ ಸುನಾಕ್ ರವರು ಡಬ್ಲ್ಯೂ. ಈ. ಎಫ್ ನ ಸದಸ್ಯರಲ್ಲ. ಸಂಸ್ಥೆಯು ಕಂಪನಿಗಳನ್ನು ಮಾತ್ರವೇ ಸದಸ್ಯರಾಗಿ ನೇಮಕ ಮಾಡಿಕೊಳ್ಳುತ್ತದೆ. ಅದ್ದರಿಂದ ಮೇಲಿನ ಹೇಳಿಕೆಯು ತಪ್ಪು ಎಂದು ಹೇಳಬಹುದು.